Ecclesiastes 4
Moletin Lu Bos Mak Mu Mili Tei Takes
Eklisiastes 4:9-12
9Moletin lu bos mak mu mili moletin tei takes,vengan xa polien nalu ihos mu melele xa lalipol vituei.
10Xosxa tei xalu imot,
tua nan mikila mei itutou ni e ital rati.
E xosxa moletin tei da tasen e mot, ngan ak isa pupu,
vengan xa moletin tovuol mun tengan vatutou ni.
11Xosxa masoh ikat,
moletin lu lukila vealu itin xosxa lalipat vituei.
?E xosxa tei pat tasen,
ma ven itin itep?
12Xosxa silixin tei bemei,
xi mikila vahas moletin tei xa da tasen.
E xosxa tuneli misoh vituei dela,
xalu lalikila lalihas tan ni silixin ak.
Xosxa osar neta ni ao tei takes, mikila vameot.
E xosxa onggil xat ao tol, ma ngan ak nggeih tengan vameot.
Copyright information for
TVK